Disa pamje mahnitëse kanë kapur momentin kur një vullkan në Rusi shpërtheu në mënyrë dramatike për herë të parë në 600 vjet.

Vullkani Krasheninnikov shpërtheu në Gadishullin Kamchatka, i cili ishte epiqendra e tërmetit me magnitudë 8.8 ballë që shkaktoi paralajmërime për cunami për Japoninë, një pjesë të SHBA-së dhe Filipinet të mërkurën, shkruajnë mediat e huaja, përcjell Telegrafi.

Gjatë shpërthimit – i pari në historinë e regjistruar – vullkani hodhi një re hiri prej rreth 9,000 metra lartësi në qiell.

Pilotët që rrethonin zonën u paralajmëruan për rreziqet e fluturimit me një alarm të kuq aviacioni pas shpërthimit në Rusinë lindore.

“Ky është shpërthimi i parë historikisht i konfirmuar i Vullkanit Krasheninnikov në 600 vjet”, citoi agjencia shtetërore ruse e lajmeve RIA Olga Girina, kreun e Ekipit të Reagimit ndaj Shpërthimeve Vullkanike të Kamchatka.

Siç pretendohet më tej, një gjë e tillë ndodhi rreth vitit 1436, brenda një intervali 80-vjeçar, dhe që atëherë nuk dihet të ketë ndodhur asnjë shpërthim.

Ministria Ruse e Emergjencave lëshoi një rekomandim për të mos vizituar as pjesët afër vullkanit.