Moldavia është shteti i radhës që është solidarizuar me Britaninë e Madhe në çështjen e helmimit të ish spiunit rus Sergei Skripal.

Ky shtet ka shpallur tre diplomatë rusë persona non-grata, transmeton portali arbresh.info.

“Vendimi i autoriteteve të Republikës së Moldavisë vjen si solidaritet me Mbretërinë e Bashkuar të Britanisë së Madhe dhe Irlandën e Veriut dhe pas konkluzioneve të Këshillit Evropian të 23-24 marsit 2018, që karakterizon sulmin e Salisbury si një kërcënim për sigurinë kolektive dhe të drejtën ndërkombëtare”, tha ministria në një deklaratë të postuar në faqen e saj të internetit.

Moldavia ka shprehur solidaritetin e saj me Mbretërinë e Bashkuar mbi rastin Skripal, duke dëbuar tre diplomatë rusë nga territori i saj.

Masa të ngjashme u morën një ditë më parë nga 16 vende të Bashkimit Evropian, si dhe SHBA, Kanada, Norvegji, Ukrainë dhe disa vende të tjera./Arbresh.info/