Ministri i ri i sigurisë kibernetike në Japoni ka lënë vendin e tij me gojë të hapur pasi tha se ai asnjëherë nuk ka përdorur kompjuter.

Yoshitaka Sakurada e bëri të ditur këtë fakt para komitetit të deputetëve, transmeton portali arbresh.info.

“Që kur isha 25 vjeçar dhe i pavarur i kam dhënë instruksione stafit tim dhe sekretareve. Nuk kam përdorur asnjëherë një kompjuter në jetën time”, tha ai  sipas përkthimit të agjencisë së lajmeve Kyodo.

68-vjeçari u emërua në postin e tij muajin e kaluar.

Detyrat e tij përfshijnë mbikëqyrjen e përgatitjeve të mbrojtjes kibernetike për Lojërat Olimpike 2020 në Tokio.

Një politikan nga Partia Demokratike e opozitës, Masato Imai, pyetja e së cilës kishte nxitur pranimin, shprehu habinë.

“Më duket e pabesueshme që dikush që është përgjegjës për masat e sigurisë kibernetike nuk ka përdorur kurrë kompjuter”, tha ai.

Por Sakurada u përgjigj se zyrtarët e tjerë kishin përvojën e nevojshme dhe ai ishte i bindur se nuk do të kishte ndonjë problem./Arbresh.info/