Merkeli: Shamitë që mbulojnë tërë fytyrën, pengesë për integrim në Gjermani

17:43 | 18 Gusht 2016
M. A.

Kancelarja gjermane, Angela Merkel, i ka përshkuar si pengesë për integrim shamitë që mbulojnë tërë fytyrën të përdorën nga disa gra mysliman.

Disa anëtarë të partisë konservatore Kristian-Demokrate të Merkelit, e veçanërisht ministrat e Brendshëm të dy shteteve ku do të mbahen zgjedhjet rajonale muajin e ardhshëm, së fundi kanë bërë thirrje për ndalimin e burkas dhe shamive tjera që mbulojnë tërë fytyrën, raporton AP, përcjell Express.

Por, ministri i Brendshëm federal, Thomas de Maiziere, e kundërshton ndalimin e përgjithshëm, për të cilin thotë se më shumë mundësi do të hidhej poshtë nga Gjyaka Supreme e Gjermanisë.

Ndërkohë, Merkel ka thënë: “Sipas mendimit tim, një grua e mbështjell tërësisht me shami zor se ka ndonjë shans që të integrohet në Gjermani.”