Një burrë meksikan, rreth të 50-tave, ka vendosur të bëjë vetëvrasje gjysëm ore pasi u deportua nga Shtetet e Bashkuara.

Guadalupe Olivas Valencia, u hodh nga një urë në afërsi të kufirit, pasi u deportua për herë të tretë, transmeton portali arbresh.info.

Ai u gjet pa ndjenja dhe pranë vetes kishte një qese plastike me sendet e tij.

Vdekja e tij erdhi pasi administrate e Trump lëshoi udhëzime të reja për të zgjeruar deportimin e emigrantëve të paligjshëm që ndodhen në Shtetet e Bashkuara.

Dëshmitarët thanë se nuk ka dashur të kthehet në Meksikë dhe se ka jetuar në një gjendje të rëndë ankthi.

Ai u hodh nga ura që ndodhet në El Chaparral, pikë kryesore e kalimit kufitar në mes të qytetit San Diego në SHBA dhe Tihuana në Meksikë.

Me urdhërin e ri të Donald Trump pritet që një numër i madh i emigrantëve të deportohen nga Shtetet e Bashkuara./Arbresh.info