Presidenti francez Emmanuel Macron ka deklaruar se ka zhvilluar një takim pozitiv me Presidentin e Ukrainës, Volodymyr Zelensky, në Romë.

Në një postim në rrjetet sociale “X”, Macron theksoi se qëllimi i përbashkët me Presidentin Trump është t’i jepet fund luftës në Ukrainë.

Sipas tij, Ukraina është e gatshme për një armëpushim pa kushte dhe Presidenti Zelensky e ka ritheksuar këtë gatishmëri gjatë takimit të tyre. Zelensky ka shprehur dëshirën për të punuar së bashku me amerikanët dhe evropianët për zbatimin e armëpushimit.

“Ukraina është e gatshme për një armëpushim pa kushte. Presidenti Zelensky ma ritheksoi këtë sot. Ai dëshiron të punojë krah për krah me amerikanët dhe evropianët për ta zbatuar atë.Tani i takon Presidentit Putin të tregojë se e dëshiron me të vërtetë paqen,” ka shkruar Macron.

Ai ka shtuar se puna do të vijojë në kuadër të koalicionit të vullnetarëve, i cili u lançua në Paris në marsin e kaluar, për të arritur një armëpushim dhe një paqe të plotë e të qëndrueshme në Ukrainë./Arbresh.info

Very positive exchange today with President @ZelenskyyUa in Rome.

Ending the war in Ukraine — this is the goal we share with President Trump.

Ukraine is ready for an unconditional ceasefire. President Zelensky reaffirmed it to me today.… pic.twitter.com/7HL2LWnAlG

— Emmanuel Macron (@EmmanuelMacron) April 26, 2025