Macron i reagon Trumpit: Rusia është agresori, të respektohen ata që kanë luftuar për sigurinë e Evropës

French President Emmanuel Macron waits for the arrival of a guest at the Elysee Palace in Paris, France, October 12, 2023. REUTERS/Sarah Meyssonnier

21:24 | 28 Shkurt 2025
Q L

Udhëheqësit evropianë veçse kanë filluar të deklarohen për takimin e tensionuar midis Trump, Vance dhe Zelensky.

Së pari, në një postim në X, kryeministri polak dhe ish-presidenti i Këshillit Evropian, Donald Tusk iu drejtua Zelenskit dhe i tha “të dashur miq ukrainas, ju nuk jeni vetëm”, raporton BBC.

I pyetur për konfrontimin gjatë qëndrimit në Portugali, presidenti francez Emmanuel Macron u tha mediave franceze se Rusia është agresori dhe populli ukrainas është ai që sulmohet.

Ai shton se vendet evropiane dhe aleatët e tjerë kishin të drejtë që ndihmuan Ukrainën tre vjet më parë dhe sanksionuan Rusinë dhe vazhduan ta bëjnë këtë.

Ai shton se është e rëndësishme të “respektohen” ata që kanë luftuar që nga fillimi për dinjitetin e tyre, të drejtat dhe sigurinë e Evropës.