Liderja e Frontit Nacional, Marine Le Pen, është thirrur nga një bankë ruse që të pagujë kredinë prej 9 milionë eurove.

Agjensia e Sigurimit të depozitave bankare ruse i ka bërë thirrje asaj të paguajë kredinë që në fillim i ishte dhënë nga një bankë ceko-ruse, shkruan Le Monde, transmeton arbresh.info.

Le Monde shkruan se Fronti Nacional është duke vepruar në sajë të dy kredive, një në vlerë të 9 milionë eurove dhe një tjetër në vlerë të 2 milionë eurovë, që datojnë nga viti 2014.

Gazeta franceze thotë se në fund të dhjetorit, autoriteti i sigurimit banker ka thënë për agjënsinë e lajmeve ruse RNS se ka filluar procedurat për rimbursim.

Le Pen muajin e kaluar i ka huazuar 6 milionë euro nga një kompani në pronësi të babait të saj, Jean-Marie Le Pen, vlerë e cila do të përdoret kryesisht për të mbuluar shpenzimet e fushatës presidenciale.

Le Pen të martën tronditi opinionin botëror kur deklaroi se Krimea është pjesë e pandarë e Rusisë./Arbresh.info