Ministri i Jashtëm rus, Sergej Lavrov ka deklaruar se se çdo përpjekje për të filluar një konflikt të ri ushtarak në Ukrainën Lindore mund të përfundojë në shkatërrimin e vendit.

Deklarata erdhi mes tensioneve pasi komandanti i përgjithshëm i forcave të armatosura në Ukrainë akuzoi Moskën për grumbullimin e forcave ushtarake jo shumë larg kufirit të përbashkët dhe tha se separatistët rusë po shkelnin sistematikisht armëpushimin, transmeton portal arbresh.info

Kremlini i tha Ukrainës dhe vendeve perëndimore të mos “shqetësohen” për lëvizjen e ushtrisë ruse në kufirin ukrainas, pasi Kievi shprehu frikë se konflikti me rebelët pro-rusë në lindje mund të përshkallëzohej.

“Rusia po lëviz forcat e saj të armatosura në territorin e saj si të dojë,” tha Dmitry Peskov, një zëdhënës i presidentit rus, “por kjo nuk është një kërcënim për askënd dhe askush nuk duhet të shqetësohet”.

Pas një armëpushimi të gjatë në gjysmën e dytë të vitit 2020, konfliktet e armatosura kanë shpërthyer në Ukrainën lindore që nga janari, duke vrarë 19 ushtarë ukrainas. Të dy palët akuzojnë njëra-tjetrën për përshkallëzim.

Edhe SHBA ka shprehur shqetësimet në rritje për kërcënimet e fundit.

Konflikti ukrainas filloi menjëherë pas aneksimit të Krimesë nga Rusia si vazhdim i revolucionit pro-perëndimor në Kiev që Moska donte ta parandalonte me çdo kusht.

Më shumë se 13,000 njerëz kanë vdekur në luftë që nga pranvera e 2014./arbresh.info/