Kryeministrja britanike Theresa May “duket e gatshme” për t’u bashkuar me veprimet ushtarake në Siri, pa miratimin e parlamentit të vendit, e nxehur nga SHBA dhe forcat e koalicionit, njoftoi BBC, duke cituar burime të njohura me situatën.

Sipas këtyre burimeve, May mendon që është e nevojshme të veprohet urgjent, transmeton portali arbresh.info. Përveç kësaj, ajo nuk dëshiron të vonojë vendimin e Presidentit të SHBA Donald Trump dhe kërkon të shmangë pengesat e shkaktuara nga procedura e miratimit të parlamentit.

Më parë gjatë ditës udhëheqësi i Partisë Laburiste të Mbretërisë së Bashkuar, Jeremy Corbyn, kërkoi të mbajë një votim parlamentar për t’i dhënë dritën e gjelbër sulmeve të mundshme ushtarake kundër Sirisë, siç raportoi transmetuesi Sky News.

Ai i bëri thirrje Mayit që “të mbledhë çdo vend duke përfshirë SHBA dhe Rusinë, si dhe shtetet fqinje, rreth tryezës në Gjenevë për të sjellë një zgjidhje politike”.

Qëndrimi i ashpër vjen pas marrëveshjes të arritur nga kryeministrja e Mbretërisë së Bashkuar, Presidenti i SHBA Donald Trump dhe udhëheqësi francez Emmanuel Macron, duke parashikuar që bashkësia ndërkombëtare duhet t’i përgjigjet sulmit të dyshuar kimik në qytetin e Doumës në Siri./Arbresh.info/