Kryeministri italian: Sulmuesi i tregut në Berlin u radikalizua në burg

19:53 | 29 Dhjetor 2016
Trina Galanxhi

Kryeministri italian, Paolo Gentiloni, tha se nuk ka të dhëna nëse sulmuesi i tregut në Berlin, i cili u qëllua për vdekje në Milano, ka pasur kontakte të rëndësishme në Itali.

Hetuesit italianë janë duke u përpjekur të përcaktojnë nëse Anis Amri është urdhëruar nga ndonjë rrjet xhihadist në Itali, transmeton arbresh.info.

Gentiloni tha se përkundër punës së mirë të policisë, Italia do të vazhdojë të mbajë masat e larta të sigurisë.

Ai gjithashtu vuri në dukje se Amri ishtë radikalizuar në Itali, gjatë kohës që ishte në burg.

“Ne e dimë se në shumicën e rasteve, radikalizmi ndodh në bugjet tona”, tha Gentiloni.

Prokurori i lartë italian për anti-terrorizmit, Franco Roberti, i tha gazetës La Repubblica se Amri ‘kishte gjetur bindjet ekstremiste në burg, në kohë dëshpërimi dhe izolimi’./Arbresh.info