Kryeministri australian Anthony Albanese tha sot se dëshiron që Julian Assange  të kthehet në Australi sa më shpejt të jetë e mundur, pas lirimit.

“Pavarësisht nga këndvështrimi i dikujt për Assange dhe aktivitetet e tij, çështja është zvarritur për një kohë të gjatë,” tha Albanese.

“Nuk ka asnjë përfitim nga burgimi i tij i vazhdueshëm dhe ne duam që ai të kthehet në shtëpi në Australi,” shtoi ai.

Avioni, me të cilin Assange u largua nga Britania e Madhe, pritej sot rreth orës 07:50. Më pas do të niset për në Saipan, në Ishujt Mariana, rreth orës 17:00 (, tha për AFP një zyrtar tajlandez.

Julian Assange tani po ndiqet penalisht për “komplot për të marrë dhe zbuluar informacione në lidhje me mbrojtjen kombëtare” dhe është vendosur të pranojë fajin vetëm për këtë akuzë, sipas dokumenteve të gjykatës të lëshuara, të cilat gjithashtu i referohen bashkëpunëtorit të tij, oficerit ushtarak amerikan Chelsea. Manning.

Ai pritet të dënohet me 62 muaj burg, të cilin e ka vuajtur tashmë në paraburgim në Londër, gjë që do t’i lejojë të kthehet i lirë në vendlindjen e tij Australi./abcnews.al