Një tjetër zë pro-Kremlinit ka pranuar se ka “vështirësi” në pushtimin e Ukrainës, të cilën Rusia e quan “operacion special ushtarak”.

Por Rashid Nurgaliyev, një zëvendëssekretar i Këshillit të Sigurimit të presidentit rus, Vladimir Putin, këmbënguli se Rusia do të arrin objektivat e saja – duke përfshirë “denazifikimin e Ukrainës”.

Këshilli i Sigurimit i Rusisë po mban sot një takim me afro 100 ambasadorë të huaj për të diskutuar kërcënimet që vijnë nga “laboratorët e mbyllur” dhe “neo-nazizmi”, raporton BBC.

Nurgaliyev u tha ambasadorëve të mbledhur se “Me gjithë vështirësitë ekzistuese, operacioni ushtarak special do të përfundojë – ndërsa objektivat e tij, duke përfshirë ato që kanë të bëjnë me çmilitarizimin dhe denazifikimin e Ukrainës, [dhe] mbrojtjen e Republikës Popullore të Donetskut dhe Republika Popullore e Luhanskut do të zbatohet plotësisht”.

Redaktori i BBC-së në Rusi, Steve Rosenberg ka sugjeruar se Kremlini mund të jetë duke përgatitur publikun rus për lajme negative mbi përparimin e pushtimit.