Zëdhënësja Hua Chunying ka kundërshtuar termin “Pushtim”, në vend të kësaj thotë se situata ka një “sfond historik kompleks”, transmeton arbresh.info.

Zëdhënësja e Ministrisë së Jashtme kineze Hua Chunying ka reaguar në twitter duke u bërë thirrje të gjitha palëve për qetësi.

#Kina po ndjek nga afër përditësimet më të fundit në #Ukrainë dhe u bën thirrje të gjitha palëve të ruajnë përmbajtjen dhe të shmangin daljen e situatës jashtë kontrollit”, ka shkruar zëdhënësja e Ministrisë së Jashtme kineze Hua Chunying, raporton the guardian.

Hua tutje akuzoi përsëri SHBA-në dhe të tjerët për nxitje të tensioneve dhe nxitje të luftës, duke thënë se qasja e Kinës deri më tani ka qenë përgjegjëse.

“Kina përsëri u bën thirrje të gjitha palëve që të mos mbyllin dyert e paqes dhe të qëndrojnë të përkushtuara ndaj dialogut dhe negociatave”, tha ajo.

Kur SHBA-ja çoi pesë valë të zgjerimit të NATO-s drejt lindjes deri në pragun e Rusisë dhe vendosi armë të avancuara strategjike sulmuese në shkelje të garancive të saj ndaj Rusisë, a ka menduar ndonjëherë për pasojat e shtyrjes së një vendi të madh drejt murit?

Mes vëzhguesve kinezë, disa kanë sugjeruar se ky arsyetim mund të përdoret një ditë në rast se Pekini vendos të lëvizë drejt Tajvanit – një qeveri gjithnjë e më miqësore ndaj BE-së që bën blerje të mëdha armësh nga SHBA./arbresh.info/