Zëvendëskryeministri kinez Hu Chunhua gjatë takimit të tij me Ministrin e Tregtisë së Britanisë, Liam Fox të enjten tha se Kina dëshiron të “forcojë plotësisht” lidhjet tregtare me Britaninë, pasi Londra është duke u përgatitur për tu larguar nga Bashkimi Evropian.

Britani ka dërguar një mesazh të fortë drejt kompanive kineze ku ka thënë se Britania është plotësisht e hapur për biznese pas largimit nga Bashkimi Evropian vitin e ardhshëm.

Reuters tha se Kina është njëra prej shteteve që Britania do të dëshironte të nënshkruante marrëveshje për tregti.

Muajin e kaluar, Kina i ka ofruar bisedime Britanisë për një marrëveshje për tregti të lirë. Duke u takuar në Pekin, Hu i tha Fox se Kina gjithmonë i ka vendosur marrëdhëniet me Britaninë në një nivel shumë të rëndësishëm.

Bisedimet formale nuk mund të fillojnë derisa Britania zyrtarisht të largohet nga Bashkimi Evropian./arbresh.info/