Tajvani ka deklaruar se ka vendosur disa avione luftarakë për të paralajmëruar Kinën e cila së fundmi ka dërguar 30 avionë luftarakë në zonën e saj të mbrojtjes.

Incidenti i së hënës shënoi inkursionin më të madh që nga janari, shkruan BBC, transmeton portal arbresh.info

Incidenti erdhi pasi Presidenti amerikan, Joe Biden, paralajmëroi Kinën kundër pushtimit të Tajvanit dhe në të njëjtën ditë kur një zyrtar amerikan vizitoi ishullin për të diskutuar sigurinë me udhëheqësit.

Kina ka rritur frekuencën e misioneve të saj ajrore në muajt e fundit, duke pretenduar se ato janë dërguar thjesht për stërvitje ushtarake.

Lëvizje të tilla kanë zemëruar Tajvanin dhe kanë rritur tensionet në rajon.

Kina e sheh Tajvanin si një provincë të shkëputur, të cilën mund ta marrë me forcë nëse është e nevojshme./arbresh.info/