Banorët e Egjiptit dolën në rrugë në të gjithë vendin pas faljes së namazit të Xhumasë, duke kërkuar largimin e presidentit Adel-Fattah al-Sisi, transmeton Anadolu Agency (AA).

Disa aktivistë egjiptianë të rrjeteve sociale ndanë pamjet e demonstratave në Kajro, Al-Jiza dhe Luxor duke iu përgjigjur thirrjeve të biznesmenit egjiptian të vetë-mërguar Mohamed Ali për të protestuar kundër sundimit të al-Sisit.

Kjo ishte dita e gjashtë e protestave kundër regjimit për shkak të përkeqësimit të kushteve të jetesës në Egjipt.

Mohammad Ali u bëri thirrje egjiptianëve në faqen e tij në Facebook që sot të organizojnë demonstrata në rrugë kundër regjimit të al-Sisit dhe të “thyejnë barrierën e frikës” përballë shtypjes brutale të protestave nga regjimi.

Forcat egjiptiane të sigurisë ndërmorën fushata të rastësishme të arrestimit në rrugë, të cilat përfshinin kërkimin e telefonave të këmbësorëve për fotot e protestave.

Al-Sisi erdhi në pushtet në Egjipt në korrik të vitit 2013, pasi ai rrëzoi presidentin e parë të zgjedhur në mënyrë demokratike të vendit, Mohammad Morsi.