Presidenti i Shteteve të Bashkuara, Donald Trump, ka thënë se hetimet e Kongresit për shkeljet e mundshme të tij dhe kërkesa për shkarkim janë linçim.

Përmes një postimi në Twitter, ai e dënoi këtë nismë të Kongresit, duke thënë se ky proces nuk është bërë sipas procedurave të duhura, nuk është i drejtë dhe nuk është i mbështetur në ligj.

Një shprehje e ngarkuar me kuptim racist në Shtetet e Bashkuara, fjala “linçim” e sjell në kujtesën e amerikanëve ekzekutimin pa gjyq të amerikanëve me prejardhje nga Afrika, të cilët vriteshin nga amerikanët e bardhë.

So some day, if a Democrat becomes President and the Republicans win the House, even by a tiny margin, they can impeach the President, without due process or fairness or any legal rights. All Republicans must remember what they are witnessing here – a lynching. But we will WIN!

— Donald J. Trump (@realDonaldTrump) October 22, 2019

Presidenti amerikan më parë ka thënë disa herë se i tërë ky proces është një “gjueti shtrigash” kundër tij.

Ndaj kësaj deklarate kanë reaguar ligjvënësit me prejardhje afrikane. Kongresisti Jim Clyburn tha: “Kjo është një fjalë që asnjë president amerikan nuk duhet t’ia atribuojë vetes”, shkruan “BBC” /Express