Kaos në aeroportin e Gatwickut për shkak të dronëve

17:28 | 20 Dhjetor 2018
Arbresh.info

Është dërguar ushtria në aeroportin e Gatwick, pasi është mbyllur tërësisht për 24 orë të mira për shkak të fluturimit të dronëve në hapësirën e tyre ajrore.

Rreth 110 mijë njerëz kanë mbetur pa udhëtuar në ditën që njihet si më e ngarkuara e vitit për t’u bashkuar me familjet në prag të Krishtlindjeve, transmeton portali arbresh.info.

Megjithatë, asnjë avion nuk ka qenë në gjendje të hyjë ose të largohet që prej orës 21:00, kur është zbuluar droni i parë.

Një operacion policor për të gjetur ata që pilotojnë pajisjet ajrore të kontrolluara nga larg ka qenë deri tani i pasuksesshëm dhe motivimi i atyre që fluturojnë është i panjohur.

Policia fillimisht tha se nuk mendojnë se është e lidhur me terrorizmin, por ata dyshojnë se është e qëllimshme./Arbresh.info/