Kanada, kërcënohen studentët myslimanë, evakuuohet universiteti

18:15 | 1 Mars 2017
Trina Galanxhi

Policia në Montreal është duke hetuar një kërcënim potencial me bombë në qendër të kampusit në Universitetin Concordia.

Disa media kanadeze, kanë pranuar një email rreth kërcënimit, në të cilin thuhej se ‘shpërthimi do të kryhej gjatë ditës’, transmeton portali arbresh.info.

Objektivat e kërcënimit kanë qenë dy katet e ndërtesës Hall në bulevardin de Maisonneuve, ku pjesa më e madhe janë myslimanë.

Në email është thënë që ‘shpërthimi nuk ka për qëllim të vrasë dikë, por vetëm të lëndojë disa student myslimane’, duke vazhduar se ‘gjërat kanë ndryshuar që nga ardhja e Donald Trumpi president.’

Policia ka parandaluar sulmin duke evakuuar pjesën e kampusit univeristar dhe duke anluar mësimin për disa orë. Gjithashtu, ata kanë filluar hetimet rreth kërcënimit./Arbresh.info