Mijëra izraelitë do të zhvillojnë një marsh nëpër zonat myslimane në qytetin e vjetër të Jerusalemit mes paralajmërimeve palestineze se mund të ketë dhunë.

Ngjarja vjetore vjen në një kohë tensionesh veçanërisht të larta pas disa muajsh incidentesh vdekjeprurëse.

Marshi i Flamurit zhvillohet në Ditën e Jerusalemit të Izraelit, duke festuar pushtimin e Jerusalemit Lindor në luftën e vitit 1967.

Izraeli e konsideron të gjithë Jerusalemin si kryeqytetin e tij, kjo refuzohet nga shumica e vendeve të botës dhe palestinezëve.

Palestinezët pretendojnë se Jerusalemin Lindor të pushtuar nga Izraeli, do ta marrin sërish të ardhmen si kryeqytetin e tyre, megjithëse Izraeli thotë se qyteti nuk do të rindahet kurrë.

Policia izraelite ka thënë se të dielën pati përleshje në një vend të shenjtë në qytetin e vjetër, pasi sipas tyre, palestinezët hodhën fishekzjarre dhe gurë ndaj policisë dhe drejt një porte ku vizitorët hebrenj po përgatiteshin të hynin.

Vendi është i njohur për muslimanët si Haram al-Sharif (Shenjtorja fisnike). I njëjti kompleks në majë të kodrës është i njohur për hebrenjtë si Mali i Tempullit dhe është vendi më i shenjtë në judaizëm, shkruan BBC, transmeton arbresh.info