Izraeli nuk e pranon rezolutën e OKB-së, e quan anti-izraelite

23:57 | 23 Dhjetor 2016
Trina Galanxhi

Izraeli ka thënë se nuk e pranon rezolutën e OKB-së që deklaron se vendbanimet e tyre në territoret e pushtuara palestineze janë të paligjshme, dhe thotë se nuk do të veprojnë në përputhje me kushtet e saj.

Këshilli i Sigurimit i OKB-së votoi për t’i dhënë fund vendbanimeve pasi SHBA nuk pranoi të përdorë veton e saj për të bllokuar rezolutën.

“Izraeli hedh poshtë këtë rezolutë të turpshme anti-Izraelite në Këshillin e Sigurimit të OKB-së dhe nuk do të veprojnë në përputhje me kushtet e saj,” tha një deklaratë nga zyra e Benjamin Netanyahu.

Kryeministri izraelit tha se administrata e tij ishte duke tentuar që të punojë me Donald Trump për të mohuar rezolutën e së premtes.

Ndërkaq Sekretari i Përgjithshëm i OKB-së Ban Ki-moon përshëndeti miratimin e rezolutës, tha zëdhënësi i tij.

“Sekretari i përgjithshëm e merr këtë mundësi për të inkurajuar udhëheqësit izraelitë dhe palestinezë për të punuar me komunitetin ndërkombëtar për të krijuar një ambient të favorshëm për një kthim në negociata të rëndësishme,” tha zëdhënësi Stephane Dujarriç.