Izraeli nisi një valë të re sulmesh ndaj Iranit të premten. Kjo ndodhi pasi presidenti amerikan Donald Trump tha se bisedimet për përfundimin e luftës po shkonin mirë dhe i dha më shumë kohë Iranit për të hapur Ngushticën e Hormuzit.

Megjithatë, nuk ka shenja që Irani po tërhiqet. Sipas Izraelit, sulmi i së premtes në qendër të Teheranit kishte në shënjestër objekte për prodhimin e raketave balistike dhe armëve të tjera, raporton AP.

U goditën gjithashtu lëshues raketash dhe depo në perëndim të Iranit.

Tym pati edhe në Bejrut por Izraeli nuk konfirmoi menjëherë sulme atje.

Ndërkaq, edhe në Izrael u dëgjuan sirena alarmi, ndërsa ushtria po përpiqej të ndalte raketat iraniane.

Irani vazhdoi të lëshojë raketa dhe dronë drejt vendeve arabe të Gjirit.

Sirena alarmi u dëgjuan në Bahrejn, Katar dhe Emiratet e Bashkuara Arabe. Arabia Saudite njoftoi se kishte rrëzuar raketa dhe dronë që synonin kryeqytetin Riad. E në Kuvajt u raportua për sulme në disa zona veriore të cilat kanë pësuar dëme materiale.