Ambasadori kinez në Izrael, Du Wei, është gjetur i vdekur në banesën e tij në periferinë e Tel Aviv, ka raportuar policia dhe mediat izraelite.

Du, 57 vjeç, u gjet i vdekur në shtratin e tij dhe shkaku i vdekjes së tij ende nuk dihet, shkruan BBC, transmeton portal arbresh.info

Ai u emërua ambasador në shkurt pasi kishte shërbyer më parë si i dërguari i Kinës në Ukrainë.

Ambasadori ishte i martuar dhe ka një djalë, por familja e tij nuk besohet të ketë qenë duke jetuar me të. Ai jetonte në periferi të Tel Avivit të Herzliya.

TV12 e Izraelit, duke cituar burime mjekësore anonime, ka theksuar se dyshohet se ambasadori ka vdekur në gjumë nga shkaqet natyrale.

Në një mesazh të publikuar në faqen e internetit të ambasadës menjëherë pas emërimit të tij si ambasador,  Du vlerësoi marrëdhëniet midis “ekonomisë së dytë më të madhe në botë dhe Izraelit”.

Të Premten, ambasada e tij reagoi ashpër ndaj Sekretarit të Shtetit të SHBA Mike Pompeo i cili kishte kritikuar trajtimin e pandemisë së koronavirusit nga Kina gjatë një vizite në Izrael./arbresh.info/