Agjentët italian kapën të martën 4.3 tonë kokainë në vlerë 250 milion euro në qytetin port verilindor të Triestes.

Operacioni u koordinua nga hetuesit antimafia, pas një hetimi njëvjeçar që përfshinte edhe Sigurinë Kombëtare të SHBA-së .

Së bashku me drogën, policia sekuestroi edhe 1.8 milionë euro para, si dhe automjete që dyshohet se u përdoren për trafik, duke përfshirë një kamion të madh.

Kapja më e madhe e drogës ndonjëherë në Evropë ekzekutoi urdhër-arrestet për 38 persona të dyshuar për trafik ndërkombëtar droge në Itali, Slloveni, Kroaci, Bullgari, Holandë dhe Kolumbi.

Operacioni i fshehtë i dha një tjetër goditje të fortë njërit prej narko-karteleve më të fuqishme në Gjirin e Kolumbisë.

Muajin e kaluar, bosi i dyshuar i këtij klani Dairo Antonio Úsuga David, u ekstradua nga Kolumbia në Shtetet e Bashkuara.

Autoritetet në Itali thanë se të arrestuarit kanë paguar 96 milionë euro për kokainën kolumbiane , e cila do të kishte vlerën 240 milionë euro në tregun italian.

foto arkive