Ministri italian i Punëve të Jashtme dhe Bashkëpunimit Ndërkombëtar, Luigi Di Maio, ka bërë të ditur se gjatë vizitës së fundit të Italisë në vendet afrikane vendi i tij nënshkroi një ‘deklaratë qëllimi’ me Angolën për të zhvilluar një partneritet në sektorin e gazit natyror, transmeton Anadolu Agency (AA).

‘Deklarata e qëllimit’ u nënshkrua për të zhvilluar aktivitete të reja në sektorin e gazit natyror dhe për të zbatuar projekte të përbashkëta për dekarbonizimin dhe tranzicionin energjetik të Angolës.

“Sot kemi arritur një marrëveshje tjetër të rëndësishme me Angolën për të rritur furnizimin me gaz”, tha Di Maio.

Duke marrë parasysh se Italia është i varur nga Rusia për rreth 40 për qind të importeve të tij të gazit, vendi është i angazhuar të diversifikojë burimet e furnizimit me energji në një përpjekje për të zëvendësuar gazin rus.

Di Maio sot udhëton në Kongo si pjesë e fokusit të vendit në vendet afrikane për të shkurtuar varësinë nga rezervat ruse të energjisë deri në vitin 2023 përmes marrëveshjeve me Algjerinë, Kongon, Angolën, Egjiptin dhe Mozambikun.