Italia ka dërguar ushtarët e saj për të ofruar mbështetje për forcat e Njësiteve të Mbrojtjes së Popullit (YPG) në lindje të Sirisë.

Sipas agjencisë së lajmeve Anadolu (AA), trupat italiane hynë në zonën e kontrolluar nga YPG nga Iraku përmes Hasakah, transmeton portali arbresh.info. Ushtarët, të cilët janë në rajon si pjesë e koalicionit ndërkombëtar kundër grupit terrorist Daesh, do të qëndrojnë në bazën amerikane në Al-Omar.

Forcat italiane nuk do të angazhohen në luftime për momentin, thanë burimet.

Terroristët e YPG janë mbështetur nga SHBA nën pretekstin e luftës kundër Daesh në Siri, që funksionon nën grupin ombrellë Forcat Demokratike të Sirisë (SDF). SDF udhëhiqet kryesisht nga terroristët e YPG. Ofensiva e SDF në provincën Deir el-Zour, që kufizohet me Irakun, është fokusuar në territorin lindor të lumit Eufrat.

Në bregun perëndimor, forcat regjimit të Asadit kanë bërë ofensivën e tyre kundër Daeshit me mbështetjen e milicive të mbështetura nga Irani dhe Rusia.

YPG është krahu i armatosur i degës siriane të grupit terrorist të PKK, Partia e Bashkimit Demokratik (PYD)./Arbresh.info/