ISIS-i merr përsipër përgjegjësinë e atentatit vdekjeprurës në Kajro

23:26 | 8 Maj 2016
M. A.

ISIS-i mori përsipër përgjegjësinë për sulmin e armatosur, të kryer sot në mëngjes, ku u vranë tetë policë egjiptianë.

ISIS-i e mori përsipër këtë sulm me anë të një deklarate në portalin Amak.

Në të shumtën e rasteve, pas këtyre sulmeve qëndron organizata ”Ensar Beit al-Maqdis”, që në nëntor të vitit 2014 iu bashkua ISIS-it dhe ndryshoi emrin në ”Sina Vilayet”.

Persona të armatosur qëlluan për vdekje tetë oficerë policie në periferi të Kajros, në serinë e fundit të vrasjeve të forcave të sigurisë në Egjipt.

”Oficerët e veshur civilë po udhëtonin në një autobus të vogël në periferinë jugore të Helwanit, kur personat e armatosur dolën nga një kamion i vogël, hapën zjarr dhe më pas u larguan”, tha Ministria e Brendshme egjiptiane me anë të një deklarate.