Udhëheqësi suprem fetar i Iranit tha sot se lë të hapur mundësinë e përmirësimit të negociatave me Shtetet e Bashkuara të Amerikës në lidhje me programin e përshpejtuar bërthamor iranian, duke i thënë qeverisë iraniane se “nuk ka asnjë pengesë për të hyrë në negociata me armikun”.

Deklaratat e Ayatollah Ali Khamenei vendosin vija të qarta të kuqe për çdo negociatë që zhvillohet nën kujdesin e qeverisë së presidentit reformist Masoud Pezeshkian, me paralajmërime të përsëritura se “Amerikës nuk mund t’i besohet”.

Komentet e fundit të Ajatollahut mund të krahasohen me ato të vitit 2015 kur Irani arriti një marrëveshje bërthamore me fuqitë botërore që rezultoi në frenimin e programit bërthamor të Teheranit në këmbim të heqjes së sanksioneve ekonomike./abcnews.al