Forcat e armatosura të Iranit e kanë quajtur bllokadën e propozuar nga SHBA si një “akt piraterie”.

Ndërsa pritet një deklaratë nga Starmer, Irani ka kërcënuar me kundërpërgjigje ndaj këtij plani, duke i cilësuar kërcënimet e Uashingtonit si të paligjshme.

Në një deklaratë të publikuar nga agjencia shtetërore IRIB, Irani thotë se do të vazhdojë të kontrollojë Ngushticën e Hormuzit edhe pas përfundimit të luftës dhe se anijet e lidhura me armikun nuk kanë të drejtë të kalojnë në ujërat territoriale iraniane.

Në një paralajmërim për vendet e Gjirit, ushtria iraniane thekson se siguria e porteve në rajon “ose është për të gjithë, ose për askënd” dhe se nëse portet iraniane goditen nga SHBA, “asnjë port në Gjirin Persik dhe Detin e Omanit nuk do të jetë i sigurt”.