Një anije ruse dërgoi raketat me rreze të shkurtër veprimi Fatah-360 nga Teherani në një port në Detin Kaspik, tha një burim ukrainas për Sky News të shtunën, transmeton Klankosova.tv.

Ukraina dhe aleatët e saj në Perëndim kanë frikë prej kohësh se Irani e ka furnizuar Rusinë me raketa balistike.

Duke folur në një ngjarje në Londër, drejtori i CIA-s Bill Burns tha: “Nëse Irani dërgon raketa balistike… do të ishte një përshkallëzim dramatik i natyrës së partneritetit të mbrojtjes”.

Ai theksoi gjithashtu se si konflikti Rusi -Ukrainë demonstron ndikimin e teknologjisë në fushën e betejës.

Burns dhe homologu i tij në Mbretërinë e Bashkuar, shefi i MI6 Sir Richard Moore akuzuan Rusinë për një “fushatë të pamatur sabotimi” në ngjarjen e përbashkët të paprecedentë të shtunën.