Të paktën gjashtë persona janë vrarë nga të shtënat në një spital në qytetin çek Ostravi, kanë njoftuar zyrtarët e këtij vendi. Të shtënat kishin ndodhur në repartin e traumës.

Sipas mediave lokale, sulmuesi është në arrati, kurse policia në profilin e saj zyrtar në Twitter ka publikuar fotografinë e tij, transmeton Telegrafi.

“Kërkojmë ndihmën e qytetarëve, të cilët do të mund të na ndihmonin në lokalizimin e tij si dhe i kemi paralajmëruar se ai përbën kërcënim”, thuhej në postimin e policisë çeke.

Sipas informatave më të fundit, sulmues kishte të veshur një pallto me ngjyrë të kuqe, kurse e gjithë zona përreth spitalit është bllokuar pas të shtënave.

Njësitet e shumta të policisë kanë dalë në vendin e ngjarjes dhe janë duke evakuuar banorët.

https://www.youtube.com/watch?v=K1AUiDVpVVE&feature=emb_title