Kryetari i AAK-së, Ramush Haradinaj ka uruar Donald Trump për rikthimin e tij në Shtëpinë e Bardhë, pas fitores së tij në zgjedhjet presidenciale të SHBA-së.

Përmes një postimi në Facebook, Haradinaj theksoi se është i bindur se procesi zgjedhor i SHBA-së ka pasqyruar vlerat e demokracisë dhe fuqinë e vullnetit të qytetarëve amerikanë.

Ai tha se nën udhëheqjen e Trump, Kosova ka krijuar ushtrinë.

‘Urime popullit amerikan për një proces zgjedhor që pasqyron vlerat e demokracisë dhe fuqinë e vullnetit të lirë të qytetarëve të tij. Një urim i veçantë për Presidentin Donald Trump për zgjedhjen e tij. Nën udhëheqjen e President Trump kemi krijuar Ushtrinë e Kosovës, jam i bindur se, nën drejtimin e tij, Shtetet e Bashkuara të Amerikës do të vazhdojnë të qëndrojnë si aleati ynë më i fortë dhe i palëkundur. Në këtë rrugëtim për konsolidimin e shtetit dhe synimin tonë afatshkurtër drejt anëtarësimit direkt në NATO, mbështetja e SHBA-së mbetet kyçe”, shkroi Haradinaj./Arbresh.info