Ministria e Arsimit në Greqi ka bërë të ditur se një deputete nga partia e ekstremit të djathtë Agimi i Artë dhe një grup tjetër mbështetës kanë hyrë në një shkollë fillore dhe kanë kundërshtuar fillimin e mësimit për fëmijët refugjatë.

Ministria tha se anëtarët e grupit kanë vepruar me ‘sjellje abusive dhe kërcënuese’ ndaj personelit të shkollës në fushën Perama, në perëndim të Athinës, transmeton arbresh.info.

Agimi i Artë u themelua si grup neo-nazist në fillim të viteve 1980 dhe aktualisht është partia e tretë më e madhe në Kuvendin e Greqisë.

Kjo parti ka bërë fushatë kundër programit të qeverisë për të siguruar shkollimin e refugjatëve që jetojnë nëpër kampet e Greqisë.

Sipas një deklarate të partisë, deputeti ishte ftuar nga prindërit të cilët janë kundër klasave me fëmijë të refugjatëve./Arbresh.info