Gjibraltari ka liruar tankerin iranian të naftës Grace 1, të arrestuar për gjoja shkelje të sanksioneve të BE ndaj Sirisë, pavarësisht një përpjekje të minutës së fundit nga Shtetet e Bashkuara për të bllokuar masën.

Autoritetet e Gjibraltarit raportohet se kanë liruar një cisternë iraniane, e cila ka qenë në qendër të një bllokimi me Teheranin, transmeton portali arbresh.info.

SHBA kishin kërkuar të kapnin supertankerin përmes veprimeve ligjore.

Gjykata Supreme e Gjibraltarit kishte vonuar një vendim për lëshimin e anijes pasi Departamenti Amerikan i Shtetit kërkoi ndalimin për lirimin e Grace 1, një cisternë iraniane e mbajtur nën dyshimin e dërgimit të naftës në Siri.

Gazeta Gibraltar Chronicle, duke cituar kryetarin e gjykatës, Anthony Dudley, tha se nuk kishte asnjë kërkesë të SHBA-së përpara Gjykatës Supreme të vendit kur rifilloi seancën të enjte pasdite.

Sipas gazetës, Shefi i Drejtësisë Dudley tha që meqenëse Irani kishte garantuar me shkrim se Grace 1 “kurrë nuk ishte e destinuar për një entitet të sanksionuar nga BE, nuk ka më arsye për të dyshuar se kërkohet ndalimi i anijes”./arbresh.info/