Emigrantët të cilëve nuk i është dhënë azili në Gjermani, do të marrin ndihma financiare në mënyrë që të kthehen në shtëpitë e tyre.

Mediat gjermane raportojnë se qeveria do t’ofrojë 1000 deri në 3000 euro për të gjithë ata që do të kthehen në atdhe.

Individët do të marrin 1 mijë, ndërsa ata që janë me familje do të marrin nga 3 mijë euro, transmeton portali arbresh.info

Fondi është pjesë e programit “Vendi yt, e ardhmja e jote”, e inciuar nga Ministria e Brendshme në Gjermani.

Të gjithë ata që do duan të përfitojnë nga kjo mundësi kanë kohë deri me 28 shkurt 2018.

Ministri gjerman, Thomas De Maiziere u ka bërë thirrje emigrantëve që të shfrytëzojnë këtë shans, në mënyrë që të fillojnë një jetë të re në vendine  tyre.

Mediat gjermane shkruajnë se Gjermania ka refuzuar rreth 115 mijë kërkesa për azil./arbresh.info/