Gjermania nuk po konsideron ndihmë financiare për Turqinë si një masë për të ndihmuar Ankaranë të përballojë krizën e saj të monedhës, tha të hënën një zëdhënës i qeverisë gjermane.

“Çështja e ndihmës gjermane për Turqinë nuk është në agjendën e qeverisë për momentin”, tha Steffen Seibert gjatë një konference të rregullt të qeverisë.-përcjell arbresh.info

Ai iu përgjigj një pyetjeje rreth mundësisë së ndihmës financiare të Gjermanisë për Turqinë, e cila u ngrit nga kreu i Social Demokratëve (SPD), Andrea Nahles në fundjavë.

Seibert gjithashtu tha se Turqia e ka në dor të vendoste nëse donte të kërkonte ndihmë nga Fondi Monetar Ndërkombëtar (FMN). Ai shtoi se çështja e ndihmës financiare nuk ishte fokusi i bisedimeve midis udhëheqësve gjermanë dhe turq./Arbresh.info