Gjermania ka rënë dakord të paguajë 647 milionë euro shtesë për të ofruar kujdes në shtëpi dhe shërbime mbështetëse për të mbijetuarit e Holokaustit.

Paratë shtesë do të shpërndahen në më shumë se 300 organizata të mirëqenies sociale në mbarë botën, sipas autoriteteve, transmeton portal arbresh.info

Lajmi është bërë i ditur nga Konferenca e Kërkesave me bazë në Nju Jork, organizatë që trajton pretendimet në emër të hebrenjve që vuajtën nën Gjermaninë naziste.

Që nga viti 1952, qeveria gjermane ka paguar më shumë se 80 miliardë euro individëve për vuajtjet dhe humbjet që vijnë nga persekutimi nga nazistët.

Konferenca e Kërkesave vitin e kaluar shpërndau rreth 590 milionë euro grante për qindra agjenci të shërbimeve sociale në mbarë botën.

Fondet u shpërndanë organizatave të mirëqenies sociale në rajonet ku jetojnë një numër i konsiderueshëm i të mbijetuarve të Holokaustit, për të siguruar shërbime jetike, si kujdesi në shtëpi, kujdesi mjekësor, ndihma emergjente dhe ushqimi.

Shumë të mbijetuar të Holokaustit u larguan nga Lufta e Dytë Botërore pa familje, duke vuajtur nga probleme të shumta mjekësore dhe janë ende të varfër sot./euronews/arbresh.info/