Gjatë një vizite në Pekin, Ministri i Jashtëm gjerman, Sigmar Gabriel, ka deklaruar para gazetarëve se Rusia, Kina dhe SHBA-të duhet të punojnë së bashku për zgjidhur krizën e Koresë Veriore, përndryshe “fëmijët tane do të rriten në një botë shumë të rrezikshme”.

Gabriel ka vizituar Pekinin me rastin e hapjes së një ekspozite të artistëve gjermanë dhe për të zhvilluar bisedime me homologun e tij kinez, Yang Jiechi rreth krizës në gadishullin Korean, transmeton portali arbresh.info

“Është e qartë se një strategji e dyfishtë e presionit dhe dialogur ndaj Koresë Veriore është mëse e ne nevojshme. Pa bashkëpunimin e Kinës, Rusisë dhe SHBA-ve nuk ka zgjidhje dhe nëse nuk gjindet në zgjidhje fëmijet tanë janë të rrezikuar”, tha ai.

“Kjo situatë është problem global, dhe jo vetëm një problem që i përket Kinës dhe Rusisë”, shtoi ai.

Ai vuri në dukje se Kina është në një pozicion veçanërisht të pasigurtë, duke pasur frikë se presioni shumë i madh do të shkaktojë që qeveria e Koresë së Veriut të shembet drejt në pragun e saj. Megjithatë, është e nevojshme për të ndaluar përhapjen e armëve bërthamore, sepse nëse Koreja e Veriut bëhet një fuqi bërthamore, Japonia dhe Koreja e Jugut mund të përpiqen të ndjekin.

Tensionet me Korenë Veriore janë rritur ndjeshëm pas testimit të gjashtë të raketës balistike, e cila përfundoi në ujrat japoneze./arbresh.info/