Forcat turke largojnë flamurin grek nga ishulli kontestues

In this handout photo provided by the Greek Ministry of Defense, Defense Minister Panos Kammenos, left speaks with Greek soldiers in front of a Greek flag as he attends a reservist exercise on the eastern island of Ikaria, Greece, Wednesday, April 4, 2018. Kammenos has described Turkey as an "enemy that continues to provoke us" and announced that he has ordered additional military personnel to move to islands in the eastern Aegean Sea. (Greek Defense Ministry via AP)

23:13 | 16 Prill 2018
Trina Galanxhi

Në një ishull të vogël dhe të pabanueshëm të Egjeut, Mikros Anthropofagos, forcat detare turke kanë larguar flamurin grek, në shenjë se ishulli në fjalë i takon Turqisë.

Lajmi është në të gjitha mediat greke, të cilat i referohen një deklarate të kryeministrit turk Binali Yildirim, i cili tha se gjatë ditës së sotme trupat turke kishin zbritur në ishull duke hequr prej aty flamurin grek

“E këshillojmë Greqinë të qëndrojë larg provokimeve. Në një ishull shkëmbor, ishte vendosur flamuri grek. Forcat tona ndërhynë dhe bënë atë që duhej bërë duke e hequr flamurin grek prej aty. Ftojmë Greqinë të sillet si një fqinj i mirë”, u shpreh Yildirim, ndërsa deklarata është shpërndarë edhe në mediat perëndimore.

Turqia dhe Greqia kanë një sërë mosmarrëveshjes rreth disa ishujve shkëmborë dhe të pabanuar në Egje. Athina zyrtare akoma nuk ka reaguar për ngjarjen.