Festivali çek i filmit Febiofest do t’i heqë çmimin Emir Kusturicës, sepse ai mbështeti Rusinë në pushtimin e saj ndaj Ukrainës.

Themeluesi i festivalit, Fero Fenic, ka kërkuar që Kusturicës t’i hiqet çmimi Febiofest që ka marrë në vitin 2017 për kontributin e tij në kinematografinë botërore, transmeton agjencia Beta, transmeton portal arbresh.info

Fenic deklaroi gjithashtu se në vitin 2017 ishte kundër që Kusturica të merrte çmimin sepse i admironte liderët totalitarë. Ai beson se Kusturica, edhe pse një regjisor i talentuar, nuk i plotëson vlerat dhe kriteret etike, morale dhe demokratike për t’u shpërblyer.

“Këto janë vlerat për të cilat ne jemi të përkushtuar, mbi bazën e të cilave është krijuar festivali. Asnjë vepër arti nuk mund të ndahet nga këto vlera. Në atë kohë drejtuesit e festivalit nuk më dëgjuan. , tha Fenic.

Drejtori aktual i festivalit, Kamil Spacil, e përshëndeti iniciativën e Fenicit dhe tha se çmimi së shpejti do t’i hiqet Kusuturicës, transmeton agjencia çeke CTK./arbresh.info/