Banorët e një fshati të vogël zviceran janë evakuar të gjithë për shkak të rrezikut të një rrëshqitjeje të gurëve.

Më pak se 100 banorëve të fshatit të Brienz iu dhanë vetëm 48 orë kohë për të paketuar atë që mundën për të braktisur shtëpitë e tyre.

Si rrjedhojë e kësaj, duhet të evakuoheshin edhe lopët e fshatit pasi gjeologët paralajmëruan se një rënie guri ishte e pashmangshme.

Dy milionë metra kub shkëmb po shkëputet nga mali sipër dhe si rrjedhojë një rrëshqitje guri mund ta zhdukë fshatin.

Kjo ka ngritur pyetjen në lidhje me sigurinë e disa komuniteteve malore, pasi ngrohja globale po ndryshon mjedisin alpin.

Brienz, në kantonin lindor të Graubunden, tani është bosh.

Fshati është vlerësuar si një rrezik gjeologjik prej disa kohësh dhe është ndërtuar në tokë që zbret drejt luginës. /Telegrafi/