Deputetët e Parlamentit Evropian  do të nxisin vendet e BE të martën në mëngjes për të përshpejtuar transferimin e refugjatëve nga Italia dhe Greqia në shtetet e tjera anëtare, siç është rënë dakord në shtator 2015.

Sipas dy vendimeve të Këshillit të miratuara në shtator 2015, shtetet anëtare u angazhuan për të zhvendosur 160,000 azil-kërkues nga këto dy “shtete të para” deri në shtator 2017, por vetëm 18,418 persona janë zhvendosur (që nga 11 maji). Pas debatit plenar me përfaqësuesit e Këshillit dhe të Komisionit, eurodeputetët do të votojnë për një rezolutë të enjten, shkruan arbresh.info.

Në sfondin e migracionit të rëndë dhe krizës së refugjatëve në verën e vitit 2015, BE miratoi dy vendime emergjente për të zhvendosur mijëra refugjatë. 160,000 azil kërkuesish me një shans të lartë për t’u dhënë statusin e refugjatëve nga Italia dhe Greqia do të zhvendosen deri në shtator 2017 në shtetet e tjera anëtare ku kërkesat e tyre do të përpunoheshin.

Në një vendim të mëvonshëm të miratuar nga Këshilli në shtator 2016 – i cili u kundërshtua nga Parlamenti – shtetet anëtare ranë dakord që 54,000 nga 160,000 vende mund të përdoreshin për pranimin e refugjatëve sirianë nga Turqia, si pjesë e marrëveshjes së migracionit BE-Turqi, Në vend se nga Italia apo Greqia.

Sipas të dhënave të UNHCR-së, rreth 50,000 azilkërkues ende janë të mbërthyer në Greqi, ndërsa Italia u përball me një rekord të ri në 2016 me 181,436 të sapoardhur./arbresh.info/