Presidenti turk ka mbrojtur ndërtimin kontroversal të pallatit të ri presidencial i cili është madhështor, duke thënë se zyra e vjetër ishte pushtuar nga buburrecat.

Recep Tayip Erdogan, është akuzuar për harxhim enorm të pasurive të shtetit sa ishte kryeministër duke ndërtuar pallat prej 1,150 dhomave, të cilin kritikët e quajnë ndërtim ilegal në tokë të mbrojtur.

Ndërsa, opozita ka kritikuar shpenzimin në prag të zgjedhjeve parlamentare që mbahen ditën e diel.

Erdogan është zhvendosur në strukturën vakante pasi u zgjodh president në gusht. Më parë pallati presidencial i jepej kryeministrit.

Në një intervistë televizive, Erdogan tha se buburrecat kanë bredhur nëpër tualetet e kryeministrisë-tanimë të zbrazur.

“A i përshtatet një zyre e tillë kryeministrit të Republikës së Turqisë ? Nuk ka pikëpyetje për harxhime kur është në pyetje përfaqësimi”, tha ai.