Filmat e shfaqur në kinematë e Emirateve të Bashkuara Arabe nuk do të censurohen më, njoftuan autoritetet, duke njoftuar krijimin e një kategorie të re filmash që do të ndalohen për moshat nën 21 vjeç.

Filmat me vlerësim 21+ do të shfaqen në versionin e tij ndërkombëtar me kontroll të rreptë të respektimit të kufijve të moshës, njoftoi Zyra e Rregullimit të Medias në llogarinë e saj në Tëitter, transmeton portal arbresh.info

Censura është një praktikë e përhapur në botën arabe, veçanërisht në rajonin shumë konservator të Gjirit.

Skenat e filmave që censuruesit besojnë se mund të shkelin zakonet lokale shpesh priten gjatë montimit ose ndalohet shfaqja e të gjithë filmit.

Emiratet, 90 për qind e popullsisë së të cilëve janë të huaj, kanë nisur një projekt të madh në vitet e fundit për të modernizuar rregulloret ekzistuese pasi duan të bëhen një nga vendet më të hapura në Gjirin Persik.

Për të rritur atraktivitetin e të jetuarit dhe të jetesës në Emirate, autoritetet kanë lehtësuar rregullat për kufizimin e konsumit të alkoolit dhe u kanë ofruar të huajve qëndrim më të gjatë.

Vendi njoftoi gjithashtu se nga 1 janari do të prezantojë një fundjavë jo-pune të modeluar sipas vendeve perëndimore.

Në vendet tjera myslimane, ditë pushimi është e premtja ( dita e xhumase, dita e faljes së madhe) dhe e shtuna./arbresh.info/