BE-ja është paralajmëruar që të ‘mos heqë dorë’ nga përgjegjësia e saj në lidhje me krizën e emigrantëve në Afrikën e Veriut.

Kriza e emigracionit do të jetë në krye të agjendës, kur vendet anëtarë të BE-së do të takohen për bisedime në Maltë me 3 shkurt, transmeton portali arbresh.info.

Blloku pritet të bie dakord që të marrë një sërë masash që do të rrisin ndihmën, trajnimin dhe mbështetjen e rojeve bregdetare në Libi.

“Programet plotësuese të trajnimit të BE-së duhet të funskionojnë shpejtë dhe me intesitet”, thuhet në një draft plan të publikuar nga EUobserver.

“Ne jemi të vendosur që të marrim masa shtesë për të frenuar flukset e emigrantëve që marrin rrugë nga Deti Mesdhe dhe të thyjmë biznesin e kontrabandistëve”, thuhet më tej në raport.

Drafti është pjesë e një plani më të gjërë që ka për qëllim parandalimin e njerëzve që tentojnë të largohen nga Libia dhe të marrin udhëtimin e rrezikshëm për në Evropë.

Rreth 181,000 njerëz kanë kaluar Mesdheun nga Libia për në Itali gjatë vitit të kaluar, ndërsa më shumë se 4,500 persona kanë humbur jetën./Arbresh.info