Presidenti amerikan, Donald Trump, mund të vizitojë zonën e fortifikuar (DMZ) që ndaj Korenë Jugore dhe atë Veriore.

Sipas agjencisë së lajmeve Yonhap, Trump do të vizitojë Korenë Jugore gjatë muajit të ardhshëm, transmeton portali arbresh.info

Burimet e medias koreano jugore kanë theksuar se Shtëpia e Bardhë ka dërguar një ekip paraprak të zyrtarëve të nivelit të lartë në fund të shtatorit për të kontrolluar zonën.

Trump pritet të dërgojë një mesazh të rëndësishëm në Korenë Veriore gjatë vizitës së tij në Seul.

Fshati i armëpushimit Panmunjom dhe posti i vëzhgimit janë vendet ku Trump po konsideron të kryejë vizitën, tha burimi.

Megjithatë, Shtëpia e Bardhë nuk ka dhënë asnjë detaj mbi këto informacione.

Trump dhe Kim Jong-un kanë vazhduar retorikën e tyre të ashpër, e cila u rrit edhe më shumë pas testimit të raketës së gjashtë balistike.

Presidenti i SHBA-ve konsideron se opsioni ushtarak është mënyra e vetme për të ndalur programet bërthamore të Koresë Veriore./arbresh.info/