Dështon projektligji i Trumpit për sigurimin shëndetësor

21:34 | 24 Mars 2017
Gita

Projektligji për sigurimin shëndetësor të iniciuar nga presidenti amerikan, Donald Trump është tërhequr në momentin e fundit, pasi nuk arriti të fitojë mbështetje të mjaftueshme për të kaluar në Kongres.

Trump tha se ky projektligj është dashur të tërhiqet pasi u bë e qartë se nuk do të marrë minimumin e 215 votave të nevojshme nga republikanët, transmeton Klan Kosova.

Kjo tërheqje e sigurimit shëndetësor është parë si një goditje e madhe për Trump.

Shfuqizimi dhe zëvendësimi i programit të njohur si Obamacare ishte një nga premtimet e tij të mëdha zgjedhore.

Trump thuhet se kishte paralajmëruar republikanët që në qoftë se ata nuk votojnë për projektligjin e tij, atëherë ata do të “ngecin” me program e kujdesit shëndetësor të ish-presidentit, Barack Obama.