Danimarka ka shprehur pakënaqësi për tonin e përdorur nga zëvendëspresidenti amerikan, JD Vance, i cili kritikoi ashpër veprimet e Kopenhagës në Groenlandë. Komentet u bënë nga ministri i Jashtëm danez, Lars Rassmussen, i cili theksoi se Danimarka është e hapur ndaj kritikave, por se nuk e vlerëson tonin e përdorur. Ai shtoi se ky nuk është një mënyrë e duhur për të komunikuar me aleatët e ngushtë dhe e quajti marrëdhënien me Shtetet e Bashkuara si një aleancë të ngushtë.

Kritika nga zëvendëspresidenti amerikan erdhi pas një vizite në bazën e vetme ushtarake amerikane në Groenlandë, ku ai tha se Danimarka “nuk ka bërë një punë të mirë për popullin e Groenlandës”, duke theksuar se nuk ka investuar mjaftueshëm në ishullin e Arktikut. Vance përmendi edhe marrëveshjen e Mbrojtjes të vitit 1951, e cila ofron mundësi për një prani më të madhe ushtarake amerikane në Groenlandë. Rassmussen u përgjigj duke thënë se mund të diskutohet më shumë për këtë, por gjithashtu shtoi se mund të bëhet më shumë brenda kornizës aktuale të marrëveshjes.

Baza amerikane në Pituffik, që është një postë për mbrojtjen raketore, ka një rëndësi strategjike për Shtetet e Bashkuara, pasi trajektorja më e shkurtër e raketave nga Rusia kalon përmes Groenlandës. Donald Trump ka shprehur gjithashtu interes për Groenlandën, duke e cilësuar atë si të rëndësishme për sigurinë ndërkombëtare.