Bora dhe akulli paralizuan pjesë të Britanisë së Madhe dhe Francës veriore ku humbën jetën dy persona.

Njëzet persona janë lënduar nga moti i akullt që ka goditur veriun e Francës, njoftuan autoritetet lokale.

Një burrë u vra kur rrëshqiti në akull dhe goditi kokën në dysheme, dhe një tjetër u gjet i vdekur jashtë dhe besohet të jetë një i pastrehë.

Shërbimet e shpëtimit kanë qenë në terren që nga dita e djeshme për shkak të aksidenteve në komunikacion dhe rënieve dhe lëndimeve të shpeshta të qytetarëve.

Në Britaninë e Madhe janë dhënë paralajmërime për motin dhe pritet që gjatë ditës në disa pjesë të vendit temperaturat të zbresin deri në minus 16 gradë.

Pistat në aeroportin e Mançesterit u mbyllën për pak kohë mëngjesin e sotëm për shkak të borës së madhe.

Meteorologët britanikë kanë paralajmëruar se kushtet e motit do të pengojnë trafikun.

Ditët e mëparshme gjatë festës, aeroportet, hekurudhat dhe rrugët janë ndërprerë nga bora, reshjet e shiut dhe shirat, si dhe një numër i madh i nisjeve janë vonuar ose anuluar./abcnews.al